Бүгінгі күні ақпараттық-коммуникациялық технологиялармен байланысты мамандықтар қарқынды дамушы және сұранысқа ие мамандықтардың бірі болып табылады. Есептеу техникасы мен байланыс құралдарының дамуы, компьютерлердің адам қызметінің барлық салаларына енуі бизнес, өнеркәсіп және басқару үшін ИКТ-мамандардың үнемі ұлғаюшы сұранысқа ие болатындығын айтуға мүмкіндік береді.

ИКТ саласы әлемді өзгертті және де оның ары қарай өзгеруінде негізгі рөл алады. Компьютерсіз біз жұмыс жасай алмаймыз, және де оның тілін білетін адамдар – әр жерде сұранысқа ие. Канада, Германия және де басқа елдер шет елдік ИКТ-мамандарды бос жұмыс орындарын толықтыру үшін жұмыспен қамтамасыз етуге әзір.

“Бес жыл ішінде компаниялар не Интернетке ұсынылады, не болмаса қызметін тоқтатады», — бұл сөзді 1999 жылы Intel Энди Грувс корпорациясының басшысы айтқан еді. Оның болжамы сол кезде тым қайшылықты мәлімдеме болып көрінген еді, бірақ та бүгінде тіпті белсенді емес адамдардың өзі де оның сөзінің дұрыстығын мойындауға мәжбүр.

Ресейдегі және ТМД елдеріндегі ІВМ қаржы директоры Александр Гертнердің сөзі бойынша, қазір біз ІТ-бизнестің түрлену үдерісінің ең бір есте қаларлық сәтін бастан өткерудеміз. «Әлемдегі алпауыт таксопарк UBER-де автокөліктер жоқ, ең танымал медиаресурс Facebook контент құрастырмайды, ең үлкен бөлшектеп сату компанияларының бірі Alibaba-да өз дүкендері жоқ, ал қомақты қонақ үй желісі AirBnB-де бірде-бір нөмір жоқ». Қоғамның компьютерленуіне қарсы тұрудың еш мәні жоқ. Жағдай осылай болғандықтан, әлемге ақпараттық-коммуникациялық технологиялар бойынша мамандар көптеп қажет. Олар кімдер? Олар бағдарламашылар, компьютерлік желілер администраторлары, web-дизайнерлер мен құрастырушылар, ақпаратты қорғау мамандары, деректерді өңдеу мамандары, компьютерлік графика және анимация мамандары, жасанды интеллект және роботтарды бағдарламалау саласының мамандары және де компьютерлік әлемге қызмет көрсететін әр күн сайын пайда болатын көптеген жаңа мамандықтардың мамандары.

Олардың барлығы — сәйкес біліктілігі мен еңбек өтілі болған жағдайда – жаһандық еңбек нарығында үлкен сұранысқа ие болады. Қазақстанда компьютерші мамандығы қазірдің өзінде беделді және жалақысыда жақсы. Осы саланың мамандары үнемі сұранысқа ие. Сол себепті көптеген студенттер екінші-үшінші курстың өзінде ақ қосалқы жұмысқа орналаса алады, және де оларда ары қарай жұмыс іздеу мәселелері пайда болмайды.

Мамандар оффшорлық деп аталатын бағдарламалаудың үлкен мүмкіндіктері жайлы айтуда, мұнда шет елдік компаниялар фрилансерлермен бағдарламалық қамтамасыздандыру әзірлеуге тапсырыс береді.

САЛАДАҒЫ ЖАҢАШЫЛДЫҚТАР